Eýro-2024: Qazaqstan men Soltústik Irlandııa arasyndaǵy irikteý oıyny qashan ótedi
BELFAST. QazAqparat - 19 maýsymnan 20 maýsymǵa qaraǵan túni Belfastta fýtboldan 2024 jylǵy Eýropa chempıonatynyń irikteý týrnıri aıasynda Soltústik Irlandııa men Qazaqstan quramalary arasynda match ótedi, dep habarlaıdy QazAqparat Sports.kz saıtyna silteme jasap.
Soltústik Irlandııa - Qazaqstan matchynyń tikeleı translıatsııasyn Qazsport telearnasynan kórýge bolady. Bastalýy Astana ýaqyty boıynsha saǵat 00:35-te.
Eýro-2024 irikteý kezeńinde úsh oıyn ótkizgen Qazaqstan quramasynyń qorjynynda alty upaı bar. Magomed Adıevtiń shákirtteri týrnırdegi oıynyn sátsiz bastady: Slovenııadan utyldy (1:2). Biraq keıin sensatsııa jasap, Danııa quramasyn (3:2), San-Marıno komandasyn (3:0) jeńdi.
Soltústik Irlandııa quramasyna kelsek, olar úsh oıynnan keıin úsh upaı jınady: soltústik ırlandııalyqtar da San-Marınony jeńdi (2:0). Biraq Fınlıandııa (0:1) men Danııadan (0:1) utyldy.
