EURO 2024: Qazaqstan men San-Marıno matchyna tóreshiler belgilendi
Fýtboldan 2024 jylǵy Eýropa chempıonatynyń irikteý kezeńi aıasynda Qazaqstan jáne San-Marıno kezdesýine tóreshiler belgilendi, dep habarlaıdy Kazinform.
El quramasy H tobynda 8 oıynnan keıin 15 upaı jınap, úshinshi orynda tur.
Alǵashqy eki oryndaǵy Slovenııa men Danııanyń enshisinde 19 upaıdan bar.
Atalǵan kezdesýde bas tóreshi qyzmetin Harald Lehner atqarady.
Oǵan otandastary Andreas Haıdenraıh pen Stefan Pıhler kómekshilik jasaıdy.
Qosalqy tóreshi de avstrııalyq Sebastıan Gıshamer.
Kezdesý 17 qarashada elorda ýaqytymen 21:00-de «Astana-Arena» stadıonynda bastalyp, «Qazaqstan» jáne «Qazsport» telearnalary tikeleı efırde kórsetiledi.
Aldaǵy eki oıynda jeńiske jetken jaǵdaıda Qazaqstan quramasynyń qurlyqtyq doda fınaldyq satysyna joldama alýyna múmkindigi bar.
Іrikteý satysyndaǵy alǵashqy oıynda qazaqstandyq fýtbolshylar syrt alańda San-Marınony 3:0 esebinen jeńgen edi.
