EURO 2024: Qazaqstan quramasynyń aldaǵy eki oıyny qashan ótetini belgili boldy
ASTANA. QazAqparat - Fýtboldan 2024 jylǵy Eýropa chempıonaty irikteý satysyndaǵy Qazaqstan quramasynyń óz alańyndaǵy aldaǵy eki oıynynyń bastalý ýaqyty belgili boldy, dep habarlaıdy QazAqparat tilshisi.
Qazaqstandyq fýtbolshylar H tobynda synǵa túsedi. Qarsylastary - Slovenııa, Danııa, Soltústik Irlandııa, Fınlıandııa, San-Marıno.
El quramasy 23 naýryzda elordada jergilikti ýaqytpen 21:00-de Slovenııa quramasyn qabyldaıdy.
Al 26 naýryzda elordada jergilikti ýaqytpen 19:00-de Danııamen sheberlik baıqasady.
Eki oıyn da «Astana Arena» stadıonynda ótkiziledi.
Qurlyqtyq dodanyń fınaly 2024 jyldyń 14 maýsym jáne 14 shilde aralyǵynda Germanııada ótkiziledi.
Onda barlyǵy 24 qurama baq synaıdy.
