Eýro-2024: Qazaqstan quramasy ese jibergen Slovenııa taǵy jeńiske jetti

ASTANA. QazAqparat - Fýtboldan 2024 jylǵy Eýropa chempıonatynyń irikteý satysynda Qazaqstan quramasy synǵa túsetin H tobyndaǵy taǵy bir oıynnyń nátıjesi belgili boldy, dep habarlaıdy QazAqparat tilshisi.

Ekinshi týrda Slovenııa óz alańynda San-Marınony 2:0 esebimen tize búktirdi. Olap alǵashqy týrda elordada Qazaqstan quramasynan 2:1 esebimen basym túsken bolatyn.

Kezdesý barysynda slovenııalyq quramadan Benıamın Sheshko 57-mınýtta mergendik tanytty. Al 60-mınýtta San-Marıno quramasynan Roberto Dı Maıo óziniń qaqpasyna gol soǵyp aldy.

Eske salsaq, atalǵan topta 26 naýryzda Qazaqstan quramasy óz alańynda Danııany 3:2 esebimen tize búktirdi.

Ázirge eki týrdan keıin alty upaı jınaǵan Slovenııa kósh basynda tur. Odan keıingi oryndardaǵy Soltústik Irlandııa, Danııa, Qazaqstan quramalarynyń enshisinde úsh upaıdan bar. Al Fınlıandııa men San-Marıno ázirge upaı enshilegen joq.

Sondaı-aq búgin atalǵan topta Soltústik Irlandııa - Fınlıandııa quramalary kezdesedi.

Ekinshi týrdyń alǵashqy oıyn kúninde birqatar kezdesýdiń nátıjesi belgili boldy.

C tobynda Anglııa óz alańynda Ýkraınadan 2:0 esebimen basym tústi. Bul topta endi Malta - Italııa quramalary sheberlik baıqasady.

J tobynda Lıhtenshteın Islandııaǵa 0:7 esebimen jol berdi. Atalǵan topta búgin Lıýksembýrg - Portýgalııa, Slovakııa - Bosnııa jáne Gertsogovına quramalary jasyl alańǵa shyǵady.