Euro-2024: Qazaqstan quramasynyń qarsylastary qalaı oınaǵany belgili boldy
Fýtboldan 2024 jylǵy Eýropa chempıonaty irikteý satysynda Qazaqstan quramasy synǵa túsetin H tobyndaǵy quramalardyń qalaı oınaǵany belgili boldy, dep habarlaıdy Kazinform.
Jankúıerler bul toptaǵy Slovenııa men Fınlıandııa quramalary kezdesýine erekshe qyzyǵýshylyq tanytqany anyq. Týrnır kestesinde qatar kele jatqan qarsylastar qurlyqtyq dodanyń fınaldyq satysyna beriletin eki joldamadan úmitker bolyp otyr. Tartysty básekede Danııa men Qazaqstan quramalary da bar.
Sol sebepti Slovenııa men Fınlıandııa kezdesýinde ekeýi de jeńiske jetý jolyn izdedi. Alǵashqy mınýttan slovenııalyq fýtbolshylardyń belsendiligi baıqalyp turdy.
Nátıjesinde 18-mınýtta Benıamın Sheshko penaltıden esep ashsa, 28-mınýtta oıyn barysynda mergendik tanytty.
Al 93-mınýtta Erık ıAnja qorytyndy esepti belgiledi.
Osylaısha Slovenııa qarsylasynan 3:0 esebimen basym túsip, týrnır kestesinde 16 upaımen kósh bastap tur.
Sondaı-aq, atalǵan topta Soltústik Irlandııa quramasy San-Marınony 3:0 esebimen tize búktirdi.
Eske salsaq, 14 qazannan 15-ne qaraǵan túni elorda ýaqytymen 00:35-de Qazaqstan quramasynyń Danııaǵa qarsy kezdesýi ótedi. Oıyn «Qazaqstan» jáne «Qazsport» telearnalarynan tikeleı efırde kórsetiledi.
