EURO-2024: Qazaqstan quramasynyń qarsylastary qalaı oınady

Fýtboldan 2024 jylǵy Eýropa chempıonaty irikteý satysynda Qazaqstan quramasy synǵa túsetin H tobyndaǵy quramalardyń segizinshi týrda qalaı oınaǵany belgili boldy, dep habarlaıdy Kazinform.

Qazaqstandyq fýtbolshylar atalǵan týrda syrt alańda Fınlıandııany 2:1 esebimen tize búktirdi. Nátıjesinde 15 upaımen úshinshi orynǵa kóterilip, qurlyqtyq dodanyń fınaldyq satysyna joldama alý múmkin quramalar qataryna qaıta qosyldy.

Alǵashqy eki oryndaǵy Slovenııa men Fınlıandııanyń enshisinde 16 upaıdan bar. Ekeýi upaı joǵaltqan jaǵdaıda qazaqstandyq quramanyń olarmen joldamaǵa talasý múmkindigi arta túsetin.
Búgingi oıynda syrt alańda Slovenııa Soltústik Irlandııany 1:0, Danııa San-Marınony 2:1 esebimen jeńdi.

Nátıjesinde segizinshi týrdan keıin Slovenııa men Danııa 19 upaı jınap, alǵashqy eki orynǵa jaıǵasqan. Al úshinshi oryndaǵy Qazaqstan quramasynyń enshisinde 15 upaı bar.

Endigi kezekte qazaqstandyq jankúıerler Soltústik Irlandııa men Slovenııa, San-Marıno men Danııa quramalary kezdesýlerine kóz tigetini belgili edi.

16 qazandaǵy barlyq oıyn nátıjeci:

C toby: Anglııa - Italııa 3:1, Malta - Ýkraına 1:3
G toby: Serbııa - Chernogorııa 3:1, Lıtva - Vengrııa 2:2
H toby: Fınlıandııa - Qazaqstan 1:2, Soltústik Irlandııa - Slovenııa 0:1, San-Marıno - Danııa 1:2

Endi qazaqstandyq fýtbolshylar aldaǵy oıyndarynda 17 qarashada elordada San-Marınony qabyldasa, 20 qarashada syrt alańda Slovenııamen kezdesedi.