EURO-2024: Qazaqstan quramasynyń aldaǵy eki oıyny qaı telearnadan kórsetiledi
Fýtboldan Qazaqstan quramasynyń 2024 jylǵy Eýropa chempıonatynyń irikteý kezeńi aıasynda San-Marıno jáne Slovenııa quramalarymen kezdesýiniń qaı telearnadan kórsetiletini belgili boldy, dep habarlaıdy Kazinform.
Atalǵan oıyndardy «Qazaqstan» jáne «Qazsport» telearnalary tikeleı efırde kórsetedi.
El quramasy H tobynda 8 oıynnan keıin 15 upaı jınap, úshinshi orynda tur. Alǵashqy eki oryndaǵy Slovenııa men Danııanyń enshisinde 19 upaıdan bar.
Aldaǵy eki oıynda jeńiske jetken jaǵdaıda Qazaqstan quramasynyń qurlyqtyq doda fınaldyq satysyna joldama alýyna múmkindigi bar. Slovenııaǵa qarsy «Astana Arena» stadıonynda ótken birinshi oıyn 1:2 esebimen qarsylas komandanyń paıdasyna sheshilse, San-Marınony syrt alańda 3:0 esebinen jeńgen bolatyn.
17 qarashadaǵy Qazaqstan-San-Marıno kezdesýin «Qazsport» telearnasy tikeleı efırde usynady. Al 20 qarashada syrt alańdaǵy Slovenııaǵa qarsy oıyny «Qazaqstan» jáne «Qazsport» telearnalary arqyly saǵat 01:45-te kórsetiledi.
Eske salsaq, Qazaqstan quramasynyń aldaǵy oıyndaryna kimder qatysatyny belgili boldy.
