Euro-2024: Qazaqstan birinshi kezeńnen keıin Slovenııany jeńip jatyr
ASTANA. QazAqparat - Fýtboldan 2024 jylǵy Eýropa chempıonatynyń irikteý satysynda Qazaqstan quramasy matchtyń birinshi kezeńnen keıin Slovenııany jeńip jatyr, dep habarlaıdy QazAqparat tilshisi.
Oıynnyń birinshi kezeńinde slovenııalyq fýtbolshylar belsendi bastady. Tizgindi óz qolyna alýǵa tyrysty. Oǵan qazaqstandyq qurama laıyqty tótep bere bildi. Ońtaıly sátterde shabýyl uıymdastyrdy.
Osyndaı sátterdiń birinde ıAn Vorogovskııdiń sol qanattan áýelete bergen dobyn Maksım Samorodov qaqpaǵa engizdi. Osylaısha qazaqstandyq fýtbolshylar alǵa shyqty.
Slovenııalyq qurama budan keıin tarazy basyn teńestirýge umtylǵan edi. Oǵan qazaqstandyq qurama sapynan qorǵaýshylar jáne qaqpashy Igor Shatskıı toıtarys berip jatty.
Osylaısha birinshi kezeńnen keıin Qazaqstan qarsylasyn 1:0 esebimen jeńip jatyr.
El quramasy qurlyqtyq dodada H tobynda synǵa túsedi. Qarsylastary - Danııa, Slovenııa, Fınlıandııa, Soltústik Irlandııa jáne San-Marıno.
