Euro-2024: Ispanııa Norvegııany iri eseppen utty

ASTANA. QazAqparat – Naýryzdyń 25-inen 26-na qaraǵan túni fýtboldan 2024 jylǵy Eýropa chempıonatyna irikteý satysynyń birinshi týry máresine jetti, dep habarlaıdy QazAqparat tilshisi.

A tobynda synǵa túsetin Ispanııa óz alańynda Norvegııa quramasymen kezdesti.

Oıyn barysynda ıspanııalyq fýtbolshylar tizgindi óz qolyna alýǵa tyrysty. Nátıjesinde 13-mınýtta Danı Olmo esep ashty. Odan keıin Hoselý 84, 85-mınýtta eki gol soǵyp, qorytyndy esepti belgiledi.

Osylaısha Ispanııa qarsylasynan 3:0 esebimen basym tústi.

Atalǵan topta Shotlandııa dál osyndaı eseppen Kıprdi tize búktirdi.

D tobynda Túrkııa syrt alańda Armenııany 2:1 esebimen basym tússe, Horvatııa men Ýels 1:1 esebimen teń oınady.

Al I tobynda Belarýs quramasy Shveıtsarııaǵa 0:5 esebimen jol berse, Izraıl – Kosovo kezdesýinde 1:1 esebi tirkeldi. Sondaı-aq Andorra Rýmynııadan 0:2 esebimen jeńildi.

Aıta ketsek, búgin, 26 naýryzda C, H, J tobyndaǵy quramalar ekinshi týr oıyndaryn ótkizedi.

Bul kúni H tobyndaǵy Qazaqstan óz alańynda Danııany qabyldaıdy.

Eske salsaq, budan buryn Frantsııa quramasy Nıderlandty oısyrata jeńdi.