EURO 2024: Ispanııa men Italııa pleı-off satysyna joldama aldy
ASTANA. KAZINFORM — Fýtboldan 2024 jylǵy Eýropa chempıonatynda 24 maýsymda V tobynda úshinshi týr oıyndary ótkizildi.
Alǵashqy eki týrda upaıdan shashaý shyǵarmaǵan Ispanııa bul joly jeńisti jolyn jalǵastyrýǵa tyrysty.
Olar pleı-off satysyna berilgen joldama taǵdyryn bir týr buryn sheship qoıǵan edi. Soǵan qaramastan búgingi oıynda birinshi mınýttan tizgindi óz qolyna alýǵa tyrysty.
Oıynnyń 13-mınýtynda ıspanııalyq Ferran Torres óz múmkindigin múlt jibergen joq.
Ispanııa fýtbolshylary odan keıin de shabýyldy kóbirek uıymdastyrdy. Dese de degenine jete alǵan joq.
Kezdesýde ıspanııalyq fýtbolshylar qarsylasynan 1:0 esebimen basym túsip, óz tobynda birinshi oryn aldy.
Bul kúngi taǵy bir kezdesýde Italııa men Horvatııa quramalary sheberlik baıqasty. Italııalyq fýtbolshylar eki týrda úsh upaı jınasa, Horvatııa nebári bir upaıdy qanaǵat tutty.
Sondyqtan kezdesýdiń eki qurama úshin de mańyzy zor boldy.
Italııa teń nátıjege jetse de, pleı-off satysyna shyǵýǵa múmkindigi bar edi. Al Horvatııa úshin tek jeńis qajet bolatyn.
Oıynnyń 54-mınýtynda horvatııalyq Lýka Modrıch Albanııa qaqpasyna belgilengen penaltıden múlt ketti.
Esesine araǵa bir mınýt salyp oıyn barysynda Italııa qaqpasynan sańylaý taýyp ketti.
Oıynnyń 98-mınýtynda ıtalııalyq Mattıa Dzakkanı qorytyndy esepti belgiledi.
Quramalar 1:1 esebine qanaǵat bildirdi.
Atalǵan toptan Ispanııa jáne Italııa quramalary pleı-off satysyna joldama aldy.
Endi 25 maýsymda S jáne D toptarynda úshinshi týr oıyndary ótkiziledi. S tobynda Anglııa men
Slovenııa, Danııa men Serbııa oınasa, D tobynda Nıderland pen Avstrııa, Frantsııa men Polsha kezdesedi.
Eske salsaq, 23 maýsymda A tobynda Germanııa men Shveıtsarııa 1:1 esebine qanaǵat bildirse, Vengrııa Shotlandııadan 1:0 esebimen basym tústi.
