EURO 2024: Ispanııa quramasy Grýzııany oısyrata jeńdi

ASTANA. QazAqparat - Fýtboldan 2024 jylǵy Eýropa chempıonatyna irikteý satysy besinshi týryndaǵy ekinshi oıyn kúni aıaqtaldy, dep habarlaıdy QazAqparat tilshisi.

Bul kúngi oıyndardyń arasynda A tobyndaǵy Ispanııa quramasynyń syrt alańda Grýzııany 7:1 esebimen oısyrata jeńgen erekshe oqıǵa retinde bolady.

Rasyn aıtqanda grýzın fýtbolshylarynyń oıyn deńgeıi asa joǵary emes.

Dese de, óz alańynda qarsylastaryna iri eseppen jeńilgeni sırek kezdesedi.

Oıyn barysynda ıspanııalyq quramadan Alvaro Morato 22, 40, 66-mınýtta het-trık jasasa, Danı Olmo 38, Nıko Ýılıams 60, Lamın ıAmal 74-mınýtta mergendik tanytty.

Al 38-mınýtta grýzııalyq Solomon Kverkvelııa óziniń qaqpasyna gol soǵyp aldy.

Alań ıeleri qatarynan Georgıı Chakvetadze 49-mınýtta bir ǵana golmen jaýap qaıyrdy.

Atalǵan toptaǵy taǵy bir kezdesýde Kıpr Shotlandııaǵa 0:3 esebimen jol berdi.

Sondaı-aq, D tobynda Horvatııa Latvııany 5:0 esebimen jeńse, Túrkııa men Armenııa 1:1 esebimen teń tústi.

J tobynda Portýgalııa syrt alańda Slovakııany 1:0, óz alańynda Lıýksembýrg Islandııany 3:1, Bosnııa jáne Gertsogovına Lıhtenshteındi 2:1 esebimen tize búktirdi.

Eske salsaq, budan buryn Qazaqstan quramasy synǵa túsip jatqan H tobynda besinshi týr oıyndary ótkizildi.