Euro-2024: Ispanııa quramasy Shotlandııadan basym tústi

Búgin fýtboldan 2024 jylǵy Eýropa chempıonaty irikteý satysyndaǵy kezekti týr oıyndary bastaldy, dep habarlaıdy Kazinform.

12 qyrkúıekte A, D, E, I toptarynda oıyndar ótkizildi.

A tobyndaǵy Ispanııa men Shotlandııa quramalary kósh basynda kele jatqan edi. Ispanııalyq fýtbolshylar basty qarsylasynan alty upaıǵa artta qalyp qoıdy. Sondyqtan oıyn barysynda olar qarsylasyn jeńýge bar kúshin saldy. Nátıjesinde qarsylasyn 2:0 esebimen tize búktirip, jaǵdaıyn jaqsartyp aldy.

Sondaı-aq, bul topta Kıpr óz alańynda Norvegııaǵa 0:4 esebimen jol berdi.

Al D tobynda óz aalńynda Horvatııa Túrkııaǵa 0:1 esebimen jol berse, Latvııa Armenııany, 2:0 esebimen tize búktirdi.

E tobynda Farer araldary Polshaǵa 0:2 esebimen jeńilip, Albanııa Chehııadan 3:0 esebimen tize búktirdi.

Sondaı-aq, I tobynda Andorra Kosovodan 0:2 esebimen jeńilip, Belarýs pen Rýmynııa 0:0 esebimen teń aıaqtaldy.

Atalǵan toptaǵy Izraıl men Shveıtsarııa kezdesýi keıinge qaldyryldy.

Aıta ketsek, 14 qazannan 15-ne qaraǵan túni elorda ýaqytymen 00:35-de Qazaqstan quramasynyń Danııaǵa qarsy kezdesýi «Qazaqstan» jáne «Qazsport» telearnalarynan tikeleı efırde kórsetiledi.

Endi 13 qazanda B, F, J toptarynda kezekti týr oıyndary ótkiziledi.