Eýro-2024 irikteýindegi Qazaqstan – San-Marıno matchyn qaıdan kórýge bolady

ASTANA. QazAqparat – Maýsymnyń 16-nan 17-sine qaraǵan túni Parmadaǵy «Ennıo Tardını» stadıonynda Eýropa-2024 chempıonaty irikteý týrnıriniń matchy ótedi. Onda Qazaqstan men San-Marıno quramalary kezdesedi, dep habarlaıdy QazAqparat Sports.kz portalyna silteme jasap.

San-Marıno – Qazaqstan matchynyń tikeleı kórsetilimi Astana ýaqytymen saǵat 00:35-te bastalady. Ony «Qazsport» telearnasynan kórýge bolady. Qazaqstan quramasy Eýro-2024 irikteý kezeńin Slovenııadan jeńilispen bastady (1:2), sodan keıin Danııa quramasyn sensatsııalyq túrde utty (3:2). San-Marıno komandasyna keletin bolsaq, ol Soltústik Irlandııadan (0:2) jáne Slovenııa komandasynan (0:2) utylyp qaldy. Qazaqstan men San-Marıno quramalary 2019 jyly oınaǵan bolatyn. Onda Qazaqstan óz alańynda (4:0) jáne qonaqta jeńiske jetken (3:1).