EURO 2024: Búgin Qazaqstan quramasy Slovenııamen kezdesedi

Búgin fýtboldan 2024 jylǵy Eýropa chempıonaty irikteý satysynda Qazaqstan quramasy Slovenııa quramasymen kezdesedi, dep habarlaıdy Kazinform.

Quramalar H tobynda oıyn kórsetedi. Qarsylastary — Danııa, Soltústik Irlandııa, Fınlıandııa, San-Marıno.

Slovenııa — Qazaqstan kezdesýi 20 qarashadan 21-ne qaraǵan túni Qazaqstan jáne Qazsport telearnalarynan saǵat 1:45–te kórsetiledi.

El quramasy H tobynda 9 oıynnan keıin 18 upaı jınap, úshinshi orynda tur.

Bul topta Danııa 22 upaı jınap, qurlyqtyq dodanyń fınaldyq satysyna bir týr buryn joldama aldy.

Al Slovenııa quramasynyń enshisine 19 upaı jazylǵan.

Endi ekinshi joldama taǵdyry Slovenııa men Qazaqstan kezdesýinde sheshiledi.

Atalǵan kezdesýge el quramasynan jaraqatyna baılanysty Ashat Taǵybergen, Baýyrjan Islamhan, Mıhaıl Gabyshev, Bahtıer Zaınýtdınov qatysa almaıdy.

Sondaı-aq, bul oıynǵa UEFA prezıdenti Aleksander Cheferın keledi dep kútilip otyr. 

Qazaqstandyq fýtbolshylar jeńiske jetken jaǵdaıda óz tarıhynda tuńǵysh ret Eýropa chempıonaty fınal satysyna joldama alady.

Bizdiń fýtbolshylar 23 naýryzda elordada ótken oıynda atalǵan qarsylasyna 1:2 esebimen ese jiberdi.