EURO 2024: Búgin Qazaqstan quramasy San-Marınomen kezdesedi
Búgin fýtboldan 2024 jylǵy Eýropa chempıonaty irikteý satysynda Qazaqstan quramasy San-Marınomen kezdesedi, dep habarlaıdy Kazinform.
Quramalar H tobynda oıyn kórsetedi. Qarsylastary — Slovenııa, Danııa, Soltústik Irlandııa, Fınlıandııa.
Qazaqstan-San-Marıno kezdesýi elorda ýaqytymen 21.00-de «Qazsport» telearnasynan tikeleı efırde kórsetiledi.
San-Marıno — álemdegi álsiz quramalardyń biri.
Qurlyqtyq dodanyń bıylǵy irikteý satysynda alty oıynda da qarsylastaryna ese jiberip qoıdy.
Saldarynan óz tobynda sońǵy orynda tur.
El quramasy 8 oıynnan keıin 15 upaı jınap, úshinshi orynda tur.
Alǵashqy eki oryndaǵy Slovenııa men Danııanyń enshisine 19 upaıdan jazylǵan.
Aldaǵy eki oıynda jeńiske jetken jaǵdaıda Qazaqstan quramasynyń qurlyqtyq doda fınaldyq satysyna joldama alýyna múmkindigi bar.
Qazaqstandyq fýtbolshylar qurlyqtyq doda irikteý satysyndaǵy alǵashqy oıynda San-Marınony syrt alańda 3:0 esebimen jeńgen bolatyn.
