Euro-2024: Búgin San-Marıno – Qazaqstan kezdesýi ótedi

ASTANA. QazAqparat – 16 maýsymnan 17-ne qaraǵan túni fýtboldan 2024 jylǵy Eýropa chempıonatyna irikteý satysyndaǵy San-Marıno jáne Qazaqstan quramalary kezdesedi, dep habarlaıdy QazAqparat tilshisi.

Kezdesý elorda ýaqytymen 00:35-de bastalyp, «Qazsport» telearnasynan tikeleı efırde kórsetiledi.

Oıyn Italııanyń Parma qalasyndaǵy 27906 jankúıerge arnalǵan «Ennıo Tardını» stadıonynda ótkiziledi.

Quramalar H tobynda oıyn kórsetedi. Qarsylastary – Slovenııa, Danııa, Soltústik Irlandııa, Fınlıandııa.

Bul kezdesýde grekııalyq Anastasıos Papapetrýs bas tóreshi qyzmetin atqarady. Oǵan otandastary Trıfon Petropýlos pen Iordanıs Aptosoglý kómek jasaıdy.

Qazirge deıin quramalar eki oıynnan ótkizdi. Qazaqstandyq fýtbolshylar óz alańynda Slovenııadan 1:2 esebimen jeńilip, Danııany 3:2 esebimen tize búktirgen edi.

Al San-Marıno quramasy Soltústik Irlandııa men Slovenııadan 0:2 esebimen jeńilip qaldy.

San-Marıno - álemdegi álsiz quramalardyń biri. FIFA reıtınginde eń sońǵy 201 orynda tur.

Eki qurama buǵan deıin 2020 jylǵy Eýropa chempıonaty irikteý satysynda I tobynda synǵa tústi. Astanada ótken alǵashqy kezdesýde qazaqstandyq fýtbolshylar 4:0 esebimen jeńiske jetse, syrt alańda 3:1 esebimen basym tústi.

Sondaı-aq, búgin atalǵan topta Danııa men Soltústik Irlandııa, Fınlıandııa men Slovenııa sheberlik baıqasady.

Al V tobynda Gıbraltar men Frantsııa, Grekııa men Irlandııa jasyl alańǵa shyǵady.

S tobynda Malta men Anglııa, Soltústik Makedonııa men Ýkraına, D tobynda Ýels pen Armenııa, Latvııa men Túrkııa oınaıdy.

I tobynda Andorra men Shveıtsarııa, Belarýs pen Izraıl, Kosovo men Rýmynııa sheberlik baıqasady.