EURO-2024: Baktıer Zaınýtdınov gol soǵýdan Rýslan Baltıevti qýyp jete ala ma

ASTANA. QazAqparat - Qazaqstandyq fýtbolshy Baktıer Zaınýtdınov ulttyq qurama sapynda búgin 13-shi golyn soqsa, bul jóninen Rýslan Baltıevti qýyp jetedi, dep habarlaıdy QazAqparat tilshisi.

Búgin 2024 jylǵy Eýropa chempıonatyna irikteý satysynda Soltústik Irlandııa - Qazaqstan matchynyń tikeleı kórsetilimi Astana ýaqytymen saǵat 00:35-te bastalady.

Ony «Qazsport» telearnasynan kórýge bolady.

Atalǵan kezdesýde Baktıer Zaınýtdınov bir gol soqsa, surmergender kóshinde Rýslan Baltıevpen teńesedi.

Qazir Rýslan Baltıev ulttyq quramada bas bapkerdiń kómekshisi qyzmetin atqarady.

Búginde fýtbolshylyq mansabyn aıaqtaǵan ol 73 oıynda 13 márte qarsylastar qaqpasyn dál kózdegen edi. Al Baktıer Zaınýtdınovtyń enshisinde 29 kezdesýden keıin 12 gol bar.

Baktıer Zaınýtdınov ulttyq qurama sapynda alǵashqy oıynyn 2018 jyldyń 23 naýryzynda Vengrııaǵa qarsy ótkizdi. Sol kezdesýde birinshi golyn soqty.

Odan keıin Shotlandııa men San-Marınoǵa -2, Ázerbaıjan, Belarýs, Danııa, Latvııa, Lıtva, Bosnııa jáne Gertsegovına, Tájikstan quramalary qaqpashysyn qapy qaldyrdy.

Sondaı-aq, ulttyq qurama sapynda qazir oıyn kórsetip júrgen Abat Aıymbetov 28 oıynda 7, Islambek Qýat 55 oıynda 6 goldyń avtory atandy.

Eske salsaq, 2024 jylǵy Eýropa chempıonaty irikteý satysynda el quramasy H tobynda úsh oıyn ótkizdi.

Óz alańynda Slovenııadan 1:2 esebimen jeńilip, Danııany 3:2 esebimen tize búktirgen edi. Odan keıin syrt alańda San-Marınony 3:0 esebimen jeńdi.