EURO 2024: 20 maýsymda qaı quramalar oınaıdy

ASTANA. KAZINFORM — Fýtboldan 2024 jylǵy Eýropa chempıonatynyń jetinshi oıyn kúni, 20 maýsymda úsh oıyn ótedi.

Eń aldymen 18:00–de C tobynda Slovenııa men Serbııa oınaıdy. 

Kezdesý Mıýnhen qalasyndaǵy «Alıants-arena» stadıonynda bolady. 

Eki qurama buǵan deıin tórt márte kezdesti. Quramalar bir-birden jeńiske jetse, eki kezdesý teń nátıjemen aıaqtaldy.

Bul toptaǵy Danııa men Anglııa kezdesýi 22:00–de ótkiziledi.

Qazirge deıin quramalar 22 oıyn kezdesip, tórteýinde Danııa, on úshinde Anglııa basym tússe, qalǵanynda teń nátıje tirkeldi.

Kezdesý Frankfýrt qalasyndaǵy «Doıche Bank Park» stadıonynda bolady. 

Alǵashqy týrda Slovenııa men Danııa 1:1 esebimen teń tússe, Serbııa Anglııaǵa 0:1 esebimen ese jiberdi.

Sondaı-aq Ispanııa men Italııa kezdesýi 00.00-ge belgilengen.

Oıyn Gelzenkırhen qalasyndaǵy «Feltıns-Arena» stadıonynda ótedi. 

Alǵashqy týrda Ispanııa Horvatııany 3:0, Italııa Albanııany 2:1 esebimen tize búktirdi. 

Quramalar qazirge deıin 41 márte kezdesip, 14-i Ispanııaǵ 11-i Italııanyń basymdyǵymen aıaqtalsa, qalǵanynda teń nátıjege qanaǵat bildirdi.

Bul topta 19 maýsymda ekinshi týrda Albanııa men Horvatııa 2:2 esebine qanaǵat bildirdi.

Kósh basynda úsh upaımen Ispanııa men Italııa keledi. Al Albanııa men Horvatııanyń enshisinde bir-birden upaı bar. 

Oıyndardyń bári Qazsport telearnasynan tikeleı efırde kórsetiledi.

Aıta ketsek, 19 maýsymda ekinshi týrda A tobynda Germanııa Vengrııany 2:0 esebimen jeńse, Shotlandııa men Shveıtsarııa 1:1 esebimen teń oınady.