Eýro-2024: 18 maýsymda qaı quramalar oınaıdy

ASTANA. KAZINFORM - Fýtboldan 2024 jylǵy Eýropa chempıonatynyń besinshi oıyn kúni, 18 maýsymda eki oıyn ótedi. 

Aldymen 22:00-de F tobynda Túrkııa men Grýzııa oınaıdy. Kezdesýdi Qazsport telearnasy tikeleı efırde kórsetedi.

Eki qurama búginge deıin 5 márte kezdesken. Onyń 3-eýi túrkııalyq quramanyń basymdyǵymen aıaqtalsa, 1-eýinde teń nátıje tirkeldi. Bir oıynda grýzııalyq fýtbolshylar jeńiske jetken. 

Qurlyqtyq dodada Túrkııa tórtinshi márte baq synap otyrsa, Grýzııa alǵash ret qatysýda. 

Odan keıin atalǵan toptaǵy taǵy bir kezdesý Portýgalııa men Chehııa oıyny 23:55-ke belgilengen. Kezdesýdi jankúıerler «Qazsport» telearnasynan tikeleı efırde tamashalaı alady.

Eki qurama buǵan deıin 5 márte sheberlik baıqasqan. Olardyń 4-eýinde Portýgalııa jeńse, 1-eýinde Chehııanyń mereıi ústem boldy. 

Portýgalııa bıyl qurlyqtyq dodanyń fınaldyq satysynda segizinshi márte oınap jatsa, Chehııa da dál sol kórsetkishti qaıtalap otyr. 

Eske salsaq, budan buryn E tobynda Rýmynııa Ýkraınany 3:0, Slovakııa Belgııany 1:0 esebimen tize búktirdi. Al, D tobyndaǵy Frantsııa Avstrııany 1:0 esebimen jeńdi.