EURO-2024: 1/8 fınalda oınaıtyn quramalar belgili boldy

ASTANA. KAZINFORM – Eýropa chempıonatynyń pleı-off satysyna shyqqan, 1/8 fınalda kezdesetin quramalar belgili boldy. 

Toptyq kezeńniń sheshýshi eki oıynynda Grýzııa quramasy Portýgalııany 2:0 esebimen jeńdi, al Túrkııa quramasy Chehııadan 2:1 esebimen basym tústi. Osylaısha sońǵy joldamany Grýzııa, Portýgalııa, Túrkııa quramalary enshiledi. 

Pleı-off satysyna deıin quramalar 36 oıyn ótkizdi. Nomınaldy alań ıeleri 10 márte jeńiske jetse, 12 kezdesýde qonaqtar basym tústi. 14 kezdesýde teń esep tirkeldi. 

Toptyq kezeńde barlyǵy 81 gol soǵyldy. Ár matchta ortasha kórsetkish 2,25 goldy qurady.

16 penaltı belgilenip, sonyń 13-i  golǵa aınaldy. Tóreshiler oıynshylarǵa jalpy sany 231 sary jáne 5 qyzyl qaǵaz kórsetti. 

Toptyq kezeńde 3 gol soqqan (2 penaltıden) Djordj Mıkaýtadze (Grýzııa) ázirge úzdik shabýylshylardyń kóshin bastap tur.  Nıklas Fıýllkrýg, Djamal Mýsıala (ekeýi de Germanııa), Ivan Shrants (Slovakııa), Godı Gakpo (Nıderlandy), Razvan Marın (Rýmynııa) eki goldan soqty.

Germanııadaǵy dúbirli dop dodasynda pleı-off satysyna deıin 7 avtogol tirkeldi. 

EURO-2024. 1/8 fınalda oınaıtyn quramalar:

Ispanııa – Grýzııa

Germanııa – Danııa

Portýgalııa – Slovenııa

Frantsııa – Belgııa

Rýmynııa – Nıderlandy

Shveıtsarııa – Italııa

Avstrııa – Túrkııa

Anglııa – Slovakııa. 

Aıta keteıik, dúbirli dop dodasynyń atalǵan satysyndaǵy oıyndar 29 maýsym men 2 shilde aralyǵynda ótedi. 

Eske sala keteıik, atalǵan týrnır bastalar kezde Eýropa chempıonatyndaǵy eń jas fýtbolshy týraly jazǵan bolatynbyz. Sondaı-aq Eýropa chempıonatyna eń kóp oıynshy jibergen komandalar týraly habarlaǵan edik.