Eýro-2022: Fýtboldan Qazaqstan áıelder quramasynyń reıtıngi tómendedi
NUR-SULTAN. QazAqparat – Halyqaralyq fýtbol federatsııasy (FIFA) Eýropa chempıonaty aıaqtalǵannan keıin áıelder fýtbolynan ulttyq quramalardyń reıtıngin jańartty, dep habarlaıdy QazAqparat Sports.kz saıtyna silteme jasap.
AQSh quramasy reıtıngtiń kósh basynda qaldy. Besinshiden ekinshi orynǵa Germanııa kóterildi. Eýropa chempıonatynyń jeńimpazy – Anglııa segizinshi pozıtsııadan tórtinshige joǵarylady.
Qazaqstan quramasy 86-dan 89-ǵa syrǵyp, Gaıana (88) men Malaızııa (90) arasynda tur.
Áıelder arasyndaǵy eýropa chempıonaty 31 shildede aıaqtaldy. Týrnır jeńimpazy fınalda Germanııany jeńgen – Anglııa boldy.
FIFA nusqasy boıynsha quramalardyń jańartylǵan reıtıngi:
1. AQSh
2. Germanııa
3. Shvetsııa
4. Anglııa
5. Frantsııa
6. Nıderland
7. Kanada
8. Ispanııa
9. Brazılııa
10. Koreı Halyq Demokratııalyq Respýblıkasy...
89. Qazaqstan.
