Eýro-2020: Reseı-Qazaqstan matchyna bıletter satyla bastady
KALININGRAD. QazAqparat - Eýropa chempıonaty-2020 irikteý týrnıri aıasynda Reseı men Qazaqstan quramalarynyń matchyna bıletter satylymǵa shyqty. Bul týraly RF fýtbol odaǵynyń resmı saıtynda málim etildi, dep habarlaıdy QazAqparat.
Reseı men Qazaqstan arasyndaǵy oıyn 9 qyrkúıek kúni máskeý ýaqytymen 21:45-te, al Nur-Sultan qalasynyń ýaqytymen qyrkúıektiń 9-ynan 10-yna qaraǵan túni saǵat 00:45-te ótedi. Ótetin orny Kalınıngrad qalasynyń «Kalınıngrad» stadıony.
Bıletterdi resmı operator - KASSIR.RU saıtynan satyp alýǵa bolady. Málim etilgendeı, bir adamǵa 4 bılet qana beriledi.
Aıta keteıik, qazirgi ýaqytta Qazaqstan I topta úshinshi orynda tur, Mıhal Bılek komandasynyń qorjynynda alty upaı bar. Top kóshbasshysy – Belgııa quramasy (12 upaı).
