Eýro-2020 logotıpi men urany tanystyryldy
ASTANA. QazAqparat - Londondaǵy saltanatty sharada 2020 jyly ótetin fýtboldan Eýropa chempıonatynyń urany men logotıpi tanystyryldy. Bul týraly Eýropalyq fýtbol qaýymdastyqtary odaǵynyń (ÝEFA) resmı saıtynda habarlandy, dep jazdy rg.ru.
Týrnırdiń basty taqyryby túrli elderdiń halqyn biriktirý ıdeıasy bolmaq. Sáıkesinshe, týrnır urany: «Birikken fýtbol azamattary». Tuńǵysh ret Eýropa chempıonaty Eýropanyń 13 elindegi qalalarda ótedi. ÝEFA Eýro kezinde osy elderdiń mádenıetteri men dástúrleriniń birigetini jaıly promo-rolıkti kórsetti. Logotıpte beınelengen kópir de birigýdi bildiredi.
Sankt-Peterbor týrnırge qojaıyn qalalardyń biri bolmaq, onda Rım, Mıýnhen, Baký sekildi toptyq kezeńniń úsh oıyny jáne bir shırek fınal ótedi. Segiz qala - Amsterdam, Bılbao, Brıýssel, Býdapesht, Býharest, Glazgo, Dýblın, Kopengagen toptyq kezeńniń úsh kezdesýi men bir 1/8 matchyn qabyldaıdy. Jartylaı fınal men týrnır fınaly Londondaǵy «Ýemblı» stadıonynda ótedi.
Saltanatty sharada ÝEFA prezıdenti Aleksander Cheferın sóz sóıledi, bul onyń jańa laýazymyndaǵy alǵashqy resmı shara. Ol Anglııany «ańyzǵa aınalǵan fýtbol besigi» dep atap, Eýro-2020 birneshe qalada óterine qýanatynyn bildirdi.
