Eýro-2020: Qazaqstannyń Belgııaǵa qarsy oınaıtyn quramy belgili boldy
NUR-SULTAN. QazAqparat - Fýtboldan 2020 jylǵy Eýropa birinshiligi irikteý kezeńindegi úshinshi týr oıynynda Qazaqstan quramasynyń Belgııaǵa qarsy shyǵatyn quramy belgili boldy, dep habarlaıdy QazAqparat.
Bizdiń quramanyń bas bapkeri Mıhal Bılek qaqpany Dmıtrıı Nepogodovqa senip tapsyrsa, qorǵanysta Abzal Beısebekov, Temirlan Erlanov, Sergeı Malyı, jáne Aleksandr Marochkın - Islambek Qýat oınaıdy. Al jartylaı qorǵanysta ıÝrıı Pertsýh, Maksım Fedın, Georgıı Jýkov, ıAn Vorogovskıı jasyl alańǵa shyqsa, shabýyl shebinde Toqtar Janǵylyshbaı óz sheberligin kórsetedi.
Qosalqy quramda qaqpashylar - Stas Pokatılov pen Igor Shatskıı bolsa, Tımýr Dosmaǵambetov, Ǵafýrjan Súıimbaev, Oljas Kerimjanov, Eldos Ahmetov, Ashat Taǵybergen, Baýyrjan Islamhan, Abat Aıymbetov jáne Baýyrjan Turysbek bar.
Budan buryn habarlaǵanymyzdaı, eki qurama buǵan deıin tórt márte kezdesti. Aıta keterligi, bizdiń qurama sapynda jasyl alańǵa shyǵatyn fýtbolshylardyń barlyǵy atalmysh oıyndarǵa qatysqan joq.
Belgııa quramasynyń bas bapkeri Roberto Martınes alǵashqy mınýttan qaqpaǵa Tıbo Kýrtýany shyǵarsa, qorǵanysta Vensan Kompanı, ıAn Vertongen, Tobı Alderveıreld syndy jigitterge senim bildirdi. Al jartylaı qorǵanysta Aksel Vıtsel, Kevın de Brıýıne, Torgan Azar, Tımotı Kastan oınasa, shabýylda Eden Azar, Drıs Mertens, Romelý Lýkaký boı kórsetedi. Olardyń qosalqy quramynda qaqpashylar Sımon Mınole men Matts Sels, oıynshylar - Leander Dendonker, Tomas Vermalen, Toma Mene, ıAnnık Karrasko, ıÝrı Tılemans, Dennıs Prat, Hans Vanaken,Krıstıan Benteke, Mıshı Batshýaıı, Dıvok Orıgı bar. Belgııa quramasynyń alǵashqy mınýttan ózderiniń tájirıbeli oıynshylaryna senim artyp otyrǵanyn kórsetti. Óıtkeni, olardyń barlyǵy - álemniń úzdik klýbtarynda baq synap júrgen fýtbolshylar.
Buǵan deıin eki qurama tórt márte kezdesti. Onyń ekeýinde teń nátıje tirkelse, ekeýinde qarsylastarymyz úsh upaıdy oljalady. Aıta keterligi, qos qurama buǵan deıin tek Eýropa birinshiligi irikteý kezeńderinde jolyqqan. Aldymen 2006 jyldyń 16 tamyzynda bizdiń jigitter Belgııada atalmysh qarsylasymen 0:0 esebimen teń oınady. Al 2007 jyldyń 12 qyrkúıeginde bizdiń alańda ótken kezdesýde qos qurama 2:2 esebine qanaǵat bildirdi. Sol joly A tobyndaǵy segiz qurama arasynda Belgııa - 5, Qazaqstan 6 orynǵa ıe boldy. Aıta keteıik, bizdiń quramaǵa 2006-2008 jyldarda gollandııalyq maman Arno Paıpers jetekshilik etti. Budan keıin eki qurama 2012 jylǵy Eýropa birinshiligi irikteý kezeńinde taǵy da A tobynda jolyqty. 2010 jyldyń 8 qazanynda Nur-Sultan qalasynda ótken oıynda Belgııa quramasy 2:0 esebimen basym tússe, 2011 jyldyń 8 maýsymynda olar óz alańynda 4:1 esebimen jeńip ketti. Bul jyldarda nemis Bernd Shtork pen cheh Mıroslav Beranek bas bapker qyzmetin atqardy.
Atalmysh kezdesý búgin, 9 maýsym kúni Nur-Sultan ýaqytymen 00.45-te bastalady. Kezdesý «QazSport» telearnasynan kórsetiledi.
