Eýro-2020: Qazaqstan quramasy Kıprmen teń tústi
NUR-SULTAN. QazAqparat - Fýtboldan 2020 jylǵy Eýropa birinshiliginiń irikteý kezeńi aıasynda búgin Qazaqstan quramasy syrt alańda Kıprmen kezdesti, dep habarlaıdy QazAqparat tilshisi.
Esterińizge sala keteıik, qazaqstandyqtar I tobynda synǵa túsedi. Qarsylastary - Belgııa, Reseı, Shotlandııa, San-Marıno jáne Kıpr quramalary.
Búgingi kezdesýde bizdiń qurama sapynda alǵashqy mınýttan Dmıtrıı Nepogodov, Ǵafýrjan Súıimbaev, Temirlan Erlanov, Sergeı Malyı, Aleksandr Marochkın, ıAn Vorogovskıı, Islambek Qýat, ıÝrıı Pertsýh, Ashat Taǵybergen, Baýyrjan Islamhan, Alekseı Şetkın shyqty.
Olarǵa qarsy kıprlyq fýtbolshylar - Kostas Panaıı, Nıkolas ıAnný, Kostas Laıfıs, Gıorgos Merkıs, Kostas Mıdıkkıs, Hambos Kırıaký, ıAnnıs Kýsýlos, Grıgorıs Kastanos, Fotıs Papýlıs, George Efrem, jáne Pıeros Sotırıý oınady.
Aıta keterligi, Qazaqstan men Kıpr quramalarynyń sheberlik deńgeıi shamalas. Kıprlyqtar búgingi kúnge deıin álem jáne Eýropa birinshiliginiń fınaldyq satysynda baq synap kórgen joq. Іrikteý kezeńinde týrnır kestesinde negizinen tómengi oryndarda kórinedi.
Qos qurama buǵan deıin eki márte joldastyq kezdesý ótkizdi. Alǵashqysynda 2004 jyldyń 21 aqpanynda Kıpr halyqaralyq týrnırinde jolyǵyp, bizdiń qurama alań ıelerinen 1:2 esebimen jeńilip qaldy. Odan keıin 2017 jyldyń 22 naýryzynda sol elde joldastyq kezdesýde sheberlik baıqasty. Bul kezdesýde quramamyz 1:3 esebimen qarsylasyna ese jiberdi.
Sondyqtan búgingi kezdesý alǵashqy mınýttan tartysty órbidi. Bizdiń qurama jyldam gol soǵyp ketti. Ony 2-mınýtta shabýylshy Alekseı Şetkın oryndady. Oǵan áriptesi Ǵafýrjan Súıimbaev ádemi pas shyǵaryp berdi. Budan keıin alań ıeleri namysqa tyrysyp, alǵa qaraı umtyldy. Degenmen, kózdegen maqsatyna jete alǵan joq. Tek 39-mınýtta Pıeros Sotırıý tarazy basyn teńestirdi. Birinshi kezeń aıaqtalar tusta aıyp dobyn sheber oryndaǵan Baýyrjan Islamhan tepken dopty qarsylas qurama qaqpashysy áreń syrtqa shyǵaryp úlgerdi.
Ekinshi kezeńde qos qurama esepti ózgertýge tyrysty. Ásirese alań ıeleriniń belsendiligi aıqyn ańǵaryldy. Degenmen oıyn esebi ózgergen joq. Kezdesý 1:1 esebimen teń aıaqtaldy.
Qazaqstan endi 9 qyrkúıekte syrt alańda Reseı quramasymen oınaıdy.
Búginge deıin bizdiń fýtbolshylar tórt oıyn ótkizdi. Aldymen 21 naýryzda óz alańynda Shotlandııany 3:0 esebimen oısyrata jeńse, odan keıin 24 naýryzda Reseıge 0:4 esebimen jol berdi. Al 8 maýsymda syrt alańda Belgııadan 0:3 esebimen jeńilse, 11 maýsymda elordada San-Marınony 4:0 esebimen tize búktirdi.
Búgin bizdiń topta taǵy eki kezdesý ótkiziledi. Toptyń úzdikteri Reseı Shotlandııaǵa, Belgııa San-Marıonoǵa qonaqqa barady.
