Eýro-2020: Qazaqstan birinshi kezeńde San-Marınony iri eseppen jeńdi
NUR-SULTAN. QazAqparat - Búgin fýtboldan 2020 jylǵy Eýropa chempıonaty irikteý satysyndaǵy tórtinshi týr oıynynda Qazaqstan quramasy syrt alańda San-Marınomen kezdesti, dep habarlaıdy QazAqparat tilshisi.
Esterińizge sala ketelik, eki qurama bıylǵy 11 maýsymda elordada bir márte kezdesip úlgerdi.
Bul kezdesýde qazaqstandyq fýtbolshylar qarsylasyn 4:0 esebimen tize búktirgen bolatyn.
Eki qurama I tobynda synǵa túsedi. Búgingi kezdesýdiń birinshi kezeńinde qazaqstandyq fýtbolshylar senimdi oıyn kórsetti. Oıynnyń 6-mınýtynda Qazaqstan fýtbolshylary qatarynan Baktııar Zaınýtdınov esep ashty. Odan keıin 22-mınýtta Ǵafýrjan Súıimbaev esepti ulǵaıta tústi. Al 26-mınýtta Alekseı Şetkın mergendik tanytty. Nátıjesinde qazaqstandyq fýtbolshylar birinshi kezeńde 3:0 esebimen basym tústi.
Dál qazir Sankt-Peterbýrg qalasynda Reseı quramasy Belgııadan 0:3 esebimen jeńilýde. Sondaı-aq, búgin Shotlandııa syrt alańda Kıprdi 2:1 esebimen tize búktirdi.
Sońǵy týr oıyndary 19 qarasha kúni ótedi. Bul kúni Belgııa men Kıpr, San-Marıno men Reseı, Shotlandııa men Qazaqstan quramalary kezdesedi.
