Eýro-2020 irikteý týrnıri: Qazaqstandyqtardyń qarsylastary búgin belgili bolady
ASTANA. QazAqparat - Búgin Irlandııa astanasy Dýblın qalasynda 2020 jylǵy Eýropa chempıonatynyń irikteý týrnırine jerebe tartý rásimi ótedi, dep habarlaıdy QazAqparat Sports.kz-ke silteme jasap.
Qazaqstan quramasy besinshi sebetke ornalasqan.
Jalpy, 6 sebetke quramalar bylaı jiktelgen:
1-sebet: Shveıtsarııa, Portýgalııa, Nıderlandy, Anglııa (Ulttar lıgasy týrnıriniń A lıgasynyń jeńimpazdary), Belgııa, Frantsııa, Ispanııa, Italııa, Horvatııa, Polsha.
2-sebet: Germanııa, Islandııa, Bosnııa jáne Gertsegovına, Ýkraına, Danııa, Shvetsııa, Reseı, Avstrııa, Ýels, Chehııa.
3-sebet: Slovakııa, Túrkııa, Irlandııa, Soltústik Irlandııa, Shotlandııa, Norvegııa, Serbııa, Fınlıandııa, Bolgarııa, Izraıl.
4-sebet: Vengrııa, Rýmynııa, Gretsııa, Albanııa, Chernogorııa, Mysyr, Estonııa, Slovenııa, Lıtva, Grýzııa.
5-sebet: Makedonııa, Kosovo, Belarýs, Lıýksembýrg, Armenııa, Ázerbaıjan, Qazaqstan, Moldova, Gıbraltar, Farersk araldary.
6-sebet: Latvııa, Lıhtenshteın, Andorra, Malta, San-Marıno.
Eske sala keteıik, 2018 jylǵy Álem chempıonatyna irikteý týrnırinde Qazaqstan quramasy E tobynda sońǵy orynda qalǵan bolatyn. Polsha, Danııa, Chernogorııa, Rýmynııa jáne Armenııa quramalarymen bir topqa túsken ulttyq qurama Polsha (2:2), Rýmynııa (0:0) jáne Armenııamen (1:1) teń túsip, nebári úsh upaı enshilegen.
Aldaǵy qurlyq birinshiligine barý úshin Qazaqstan ÝEFA Ulttar lıgasy arqyly shamasyn baıqap kórdi. Ókinishke qaraı, óz tobynda ekinshi oryndy alǵandyqtan, pleı-off kezeńine shyǵa almady.
Eýro-2020 irikteý kezeńiniń jerebe tartý rásimi Astana ýaqytymen 17:00-de bastalady.
