EÝRO-2020-ǵa irikteý: Qazaqstan-Belgııa matchy tikeleı efırden kórsetiledi
BRıÝSSELЬ. QazAqparat - 9 maýsym kúni Nur-Sultan ýaqytymen 00:45-te Brıýsselde fýtboldan 2020 jylǵy Eýropa chempıonatyna irikteý kezeńi aıasynda Belgııa men Qazaqstan quramalary kezdesedi. «QazAqparat» HAA-nyń Brıýsseldegi menshikti tilshisi komandalardyń jaı-kúıi, bapkerlerdiń pikirleri, olardyń oıynǵa qurǵan josparlary týraly baıandaıdy.
50 myń jankúıerge arnalǵan Korol Bodýen stadıonynda deńgeıleri kereǵar eki komanda kezdesedi. Belgııa quramasy óz tobyndaǵy alǵashqy eki oıynda jeńiske jetip, úshinshi oıynǵa toptyń kóshbasshysy retinde daıyndalyp jatyr. Degenmen, «soıqandardyń» bapkeri Roberto Martınes qarsylasqa mensinbeı qaraýǵa bolmaıtynyn aıtady.
«Eki oıyn ótkizdik, bul - alty upaı. Sportshylardyń barlyǵy da Brıýsseldegi fanattardyń kóz aldynda bolatyn oıynnyń qanshalyqty mańyzdy ekenin biled», - deıdi Martınes jergilikti BAQ ókilderine bergen suhbatynda.
Qazaqstannyń bas bapkeri Mıhal Bılek «B» josparymen jumys isteýge májbúr. Óıtkeni Belgııaǵa attanǵan ulttyq qurama sapynda basty oıynshylardyń birnesheýi joq.
«Biz oıynǵa daıyndala bastaǵanda naqty josparymyz boldy. Biraq Qazaqstan Premer-lıgasyndaǵy sońǵy týrdan keıin jigitterdiń keıbiri jaraqat aldy. Endi biri syrqattanyp qaldy. Biraq bizdiń basqa josparymyz da bar, jigitter oǵan daıyn», - dedi Bılek.
Jaraqatyna baılanysty qorǵaýshylar - ıÝrıı Logvınenko men Dmıtrıı Shomko, «Tobyldyń» shabýyldaýshy jartylaı qorǵaýshysy Azat Nurǵalıev komandasyna kómektese almaıdy. Gollandııanyń «Herakles» komandasynda dop teýip júrgen jartylaı qorǵaýshy Aleksandr Merkel sýyq tıip, oıyndy ótkizip alatyn boldy. Onyń ústine, «Rostovtyń» jartylaı qorǵaýshysy Baqtııar Zaınýtdınov te jattyǵý jasap júrip jaraqat alǵan.
Mıhal Bılek jigitterdi qazirdiń ózinen asa qıyn oıynǵa daıyndap jatyr. Al Roberto Martınes shákirtteri alǵashqy mınýttarda-aq oıyn taǵdyryn sheship, qalǵan ýaqytty tek baqylaýmen ótkizbek bolyp otyr. Toptaǵy buǵan deıingi eki oıynda belgııalyqtar osyny istedi de.
«Biz kimge qarsy oınaý úshin kelgenimizdi jaqsy bilemiz. Belgııa naǵyz qazirgi zamannyń fýtbolyn oınaıdy, FIFA reıtınginde de kósh bastap tur. Biz jaqsy oıyn ótkizip, úzdik nátıjege jetýge tyrysamyz», - deıdi Qazaqstan quramasynyń bas bapkeri.
Onyń aıtýynsha, belgııalyqtardy jeńý úshin Qazaqstan Shotlandııaǵa qarsy matchtaǵy oıyn órnegin kórsetýi tıis.
Bizdiń komanda syrt alańdaǵy osy oıynǵa barynsha daıyndaldy. Buǵan deıingi jattyǵýlarynyń barlyǵyn «Astana Arenanyń» jasandy alańynda ótkizgen qurama tabıǵı kógalǵa beıimdelý úshin Talǵardaǵy bazada daıyndyq jumystaryn ótkizdi.
Qazaqstan quramasy óz aldyna 2008 jylǵy Eýropa chempıonatyna irikteý oıyndarynan da kóbirek upaı jınaý maqsatyn qoıyp otyr. Sol kezde Qazaqstan 14 oıynda 10 upaı jınaǵan bolatyn.
Qazaqstan bas bapkeri belgııalyqtar qorǵanysynyń álsiz jeri týraly eshteńe aıtqan joq. Biraq Roberto Martınes óz komandasynyń osal tusyn ózi-aq aıtyp berdi.
«Biz óz alańymyzda oınaımyz. Sondyqtan, oıyn qarqynyn basqaryp otyrýymyz qajet. Eger oıyn jyldam júrmese, bul Qazaqstanǵa múmkindik beredi», - deıdi Martınes.
Árıne, belgııalyqtar Qazaqstan komandasyna qaraǵanda áldeqaıda myqty. Degenmen keıde fýtbolda deńgeı emes, tártip oıyn taǵdyryn belgilep beredi, muny da umytpaǵan durys.
Match Korol Bodýen atyndaǵy stadıonda ótedi. Ony tikeleı efırden «QazSport» telearnasy kórsetedi.
Avtor: Tımýr Dúısekeev
