Eýro-2020 búkil Eýropada ótpek
ASTANA. 8 jeltoqsan. QazAqparat - ÝEFA prezıdenti Mıshel Platını daǵdarys jaǵdaıynda qarjyny únemdep jumsaýǵa kúsh salmaq, dep habarlady Bı-Bı-Sı.
2020 jylǵy fýtboldan Eýropa chempıonaty búkil Eýropa boıynsha birneshe qalada ótetin bolady dep jarııalady Eýropalyq fýtbol qaýymdastyqtary odaǵy (ÝEFA).
Anglııanyń fýtbol qaýymdastyǵy Eýro-2020 fınalyn ótkizýge Londonnyń Ýemblı standıonyn usyndy. Ýels, Shotlandııa jáne Irlandııa da matchtardy óz aýmaqtarynda ótkizýge múddelilik tanytty.
ÝEFA atqarý komıteti keshe shveıtsarııalyq Lozannada ótken otyrysynda sheshim qabyldady.
Kezdesýden keıin ÝEFA bas hatshysy Djannı Infantıno baspasóz máslıhatynda «Biz mańyzdy sheshim qabyldadyq», dep málimdedi.
«Eýro - búkil Eýropa úshin» - ÝEFA prezıdenti Mıshel Platınıdiń bastapqy ıdeıasy osyndaı bolatyn», dedi D.Infantıno.
Onyń aıtýynsha, Eýro-2020 chempıonatyn birneshe elde ótkizý ıdeıasyn Eýropanyń 53 fýtbol qaýymdastyǵynyń 52-si qoldady. Buǵan kóp jyldardan beri Eýro-2020 chempıonatyn óz elinde ótkizýge umtylyp kele jatqan Túrkııa ǵana qarsy boldyy.
Budan buryn, Eýro-2012 matchtary 10-nan astam elde ótýi múmkin ekeni habarlanǵan bolatyn Olardyń arasynda chempıonattar qabyldaıtyn qalalar ishinde Moskva, Parıj, Madrıd, London, Rım jáne Lıssabon bolyp qalýy múmkin.
Eýro-2020 matchtaryn ótkizýge ótinimder 2013 jyldyń naýryzynan bastap qabyldanatyn bolady. Qalalardyń túpkilikti tizimi 2014 jyldyń kókteminde bekitiledi.
Eske sala keteıik, bıylǵy jyly Eýro chempıonatynyń sońǵy týrnırin ótkizgen Ýkraına men Polsha sport qurylystaryn salýda jáne qarjy jaǵynan birqatar problemalarǵa tap bolǵan edi.
