Eýro-2020: Birinshi kezeńnen keıin Qazaqstan San-Marınony jeńip jatyr
NUR-SULTAN. QazAqparat - Dál qazir Nur-Sultan qalasyndaǵy «Astana-arena» stadıonynda fýtboldan 2020 jylǵy Eýropa birinshiligi irikteý kezeńindegi tórtinshi týr oıynynda Qazaqstan men San-Marıno quramalary arasyndaǵy kezdesýdiń birinshi kezeńi aıaqtaldy, dep habarlaıdy QazAqparat tilshisi.
Mıhal Bılek búgin Dmıtrıı Nepogodov, Ǵafýrjan Súıimbaev, Temirlan Erlanov, Sergeı Malyı, Dmıtrıı Shomko, ıAn Vorogovskıı, Islambek Qýat, Baýyrjan Islamhan, Ashat Taǵybergen, Abat Aıymbetov, Baýyrjan Turysbek sekildi oıynshylarǵa alǵashqy mınýttan senim bildirdi.
Al San-Marıno quramasynyń bas bapkeri Franko Varrella alǵashqy mınýttan Elıa Benedettını, Davıde Chezarını, Fabıo Vıtaıolı, Krıstıan Brollı, Andrea Grandonı, Lorentso Lýnadeı, Lýka Chensonı, Marchello Mýlaronı, Manýel Battıstını, Nıkola Nannı, Matteo Vıtaıolı syndy shákirtterine úmit artty.
Birinshi kezeńde Qazaqstan quramasy basym oınady. Degenmen kóp jaǵdaıda olarǵa sáttilik jetispeı jatty. San-Marıno ftbolshylary tegeýrindi qarsylyq kórsetti. Alǵashqy gol 45-mınýtta soǵyldy. Ony bizdiń quramanyń jartylaı qorǵaýshysy Islambek Qýat soqty. Osylaısha bizdiń jigitter birinshi kezeńnen keıin atalmysh qarsylasynan 1:0 esebimen basym tústi.
Qazaqstan men San-Marıno quramalary buǵan deıin birde-bir márte kezdesip kórgen joq.
Sondyqtan, búgingi oıyn eki qurama arasyndaǵy tarıhı match retinde tirkeledi.
Ótken týrda San-Marıno syrt alańda Reseıden 0:9 esebimen jeńilse, Qazaqstan Belgııaǵa 0:3 esebimen jol berdi.
Qazaqstan men San-Marıno quramalary buǵan deıin birde-bir márte kezdesip kórgen joq.
Sondyqtan, búgingi oıyn eki qurama arasyndaǵy tarıhı match retinde tirkeledi.
Ótken týrda San-Marıno syrt alańda Reseıden 0:9 esebimen jeńilse, Qazaqstan Belgııaǵa 0:3 esebimen jol berdi.
