Eýro-2020: Astana - úmitker qalalar qatarynda
ASTANA. 21 qyrkúıek. QazAqparat - 2020 jyly fýtboldan Eýropa qurlyǵynyń chempıonatyn ótkizýden úmitker qalalar arasynda Qazaqstan astanasy da bar. Onda 32 eldiń 39 qalasy tańdap alynǵan.
Bul týraly Eýropa fýtbol qaýymdastyǵy odaǵynyń (ÝEFA) resmı saıtynda jarııalanǵan aqparatqa silteme jasap Azattyq habarlady.
Bıyl qańtar aıynda ÝEFA-nyń atqarýshy komıteti 2020 jylǵy Eýropa birinshiliginiń fınaldyq bóligin 13 qalada ótkizý týraly sheshim qabyldady. Úmitker qalalardan ótinish qabyldaý merzimi 19 qyrkúıekte aıaqtaldy.
Endi aldaǵy aptada ÝEFA atqarý komıteti 39 úmitkerdiń arasynan qurlyq chempıonatynyń fınaldyq oıyndaryn ótkizýge laıyqty dep tanylǵandarynyń tizimin jarııalaıdy.
Qazaqstan 1992 jyldan 2002 jylǵa deıin Azııa fýtbol konferentsııasynda oınaǵan edi. Al 2002 jyly sáýirdiń 25-i kúni ÝEFA quramyna qabyldandy.
