Eýro-2018 jartylaı fınaly: Qazaqstannyń qarsylasy anyqtaldy
ASTANA. QazAqparat - Slovenııanyń Lıýblıana qalasynda fýtzaldan Eýropa chempıonatynyń shırekfınaldyq sońǵy matchy ótti. Onyń nátıjesi boıynsha jartylaı fınalǵa shyqqan barlyq komandalar belgili boldy, dep habarlaıdy QazAqparat Sports.kz saıtyna silteme jasap.
Ispanııa quramasy Ýkraına komandasyn 1:0 esebimen jeńdi. Osylaısha, ½ fınalda ıspandyqtardyń qarsylasy Qazaqstan quramasy bolady. QR fýtzalshylary shırek fınalda serbııalyqtardy 3:1 esebimen jeńgen edi.
Ispanııa - Eýropanyń qazirgi chempıony. 2016 jyly Hose Venansıo Lopes jattyqtyratyn komanda Qazaqstanmen eki ret kezdesken bolatyn. Qurlyq chempıonatynyń jartylaı fınalynda olar - 5:3, álem chempıonatynyń 1/8 fınalynda 5:2 esebimen jeńiske jetken edi.
Eske salaıyq, fýtzaldan Qazaqstan quramasy Serbııany 3:1 esebimen tize búktirip, 2018 jylǵy Eýropa chempıonatynyń jartylaı fınalyna shyqqan bolatyn. Sondaı-aq úzdik tórttiktiń qatarynda týrnır ıeleri - Slovenııany 2:0 esebimen jeńgen Reseı komandasy bar.
Qazaqstan - Ispanııa jáne Reseı - Portýgalııa arasyndaǵy jartylaı fınal 8 aqpan kúni «Arena Stojıtseda» ótedi.
