Eýro-2018: Qazaqstan quramasy 1/4 fınalda Serbııamen oınaıdy
ASTANA. QazAqparat - Búgin Slovenııada Eýro-2018-diń shırek fınalynda fýtzaldan Qazaqstan quramasy Serbııa komandasymen oınaıdy, dep habarlaıdy «SPORTINFORM» SAA.
Bizdiń komanda polıaktardy oısyrata utyp, reseıliktermen teń nátıje kórsetip, «B» tobynda birinshi oryn aldy. Óz kezeginde, Serbııa quramasy «A» tobynda ekinshi bolyp tur. Serbııalyqtar Eýro-2018-diń alǵashqy matchynda slovenııalyqtarǵa (0:2) ese jiberip, keıin eki ret gol saldy - 2:2
Serbııa quramasy Eýropa chempıonatyna altynshy ret qatysyp jatyr. Olar Belgradta ótken byltyrǵy Eýropa chempıonatynda úzdik nátıjege qoljetkizip, 4-shi oryn alǵan edi. Sol kezdesýde olar úshinshi orynǵa qazaqstandyqtarmen talasyp, jeńilip qalǵan (2:5) bolatyn.
Qazaqstan-Serbııa matchy Astana ýaqytymen 23:00-de bastalady.
