EÝRO-2018 irikteýi: Qazaqstan jasóspirimder quramasy Frantsııadan oısyraı utyldy
ASTANA. QazAqparat - Qazaqstannyń fýtboldan 17 jasqa deıingi jasóspirimder quramasy Eýropa-2018 chempıonatynyń irikteý týrnırin sátsiz bastady, dep habarlaıdy Sports.kz.
Qazaqstandyq fýtbolshylar debıýttik matchta Frantsııa quramasynan 0:5 esebimen oısyraı utyldy. Het-trıkti Mohamed Dıabı (4-shi, 15-shi jáne 18-shi mınýttarda) jasady, sondaı-aq Loık Mbe So (24-shi) men Lıýk da Kýnıa (30-shy) da gol saldy. 58-shi mınýttan bastap frantsýzdar bir oıynshysy kem quramda oınady - qorǵaýshy Benýa Mýkınaıı qyzyl qaǵaz aldy.
22 qazanda Qazaqstan Slovenııamen, al 25-inde Belarýspen oınaıdy. Týrnırdiń erejesi boıynsha, elıtaly raýndqa ár toptyń alǵashqy eki komandasy, sondaı-aq úshinshi oryndar arasyndaǵy tórt úzdik komanda ótedi.
Eýropa chempıonatynyń aqtyq syny 2018 jyldyń 4-20 mamyr aralyǵynda Anglııada bolady.
