EÝRO-2016: Ýkraına quramasy Soltústik Irlandııadan utyldy (FOTO)
ASTANA. QazAqparat - Soltústik Irlandııa komandasy Ýkraına quramasyn utyp, Eýro-2016 jarysyndaǵy birinshi jeńisine qol jetkizdi. Parıjdiń Lıon qalasynda «Stad de Lıon» stadıonynda ótken match 2:0 esebimen aıaqtaldy.
Kezdesýdiń alǵashqy mınýttarynda ýkraındyqtar belsendirek boldy. Oqtyn-oqtyn qaptal arqyly shabýyl jasaǵan Ýkraına quramasy negizinen Evgenıı Konoplıanka men Andreı ıArmolenkoǵa ıek artty.
Soltústik Irlandııa fýtbolshylary ýaqyt óte kele oıyndaǵy basymdyqty ala bastady. Tipti, 30-mınýtta esep ashatyn múmkindigi boldy. Kreıg Ketkarttyń tepken doby qaqpadan sál ǵana qıys ketti.
Birinshi taımda quramalar esepke ózgeris ákele almady. Barlyǵy ekinshi taımda ózgerdi. Oıynnyń 49-mınýtynda Garet Makolı ýkraınalyqtarǵa bir gol saldy.
Osylaısha, ol Soltústik Irlandııanyń Eýropa chempıonaty tarıxyndaǵy alǵashqy golynyń avtory atandy.
Ýkraına quramasy qarymta gol salýǵa tyrysty. Kezdesýdiń 72-mınýtynda Vıktor Kovalenko úshin gol salatyn jaqsy múmkindik týdy. Alaıda, onyń tepken doby qaqpaǵa tımedi. Aleksandr Zınchenko da baspen soqqy jasaǵan. Biraq ony qaqpashy sátti tosyp aldy.
Negizgi ýaqyt bitip, qosymsha mınýttar engizilgen kezde Soltústik Irlandııa qarymty shabýyldy sátti oryndap, Nıll MakGınn ýkraındyqtarǵa ekinshi gol saldy.
Endi birer mınýttardan soń bul topta Germanııa Men Polsha quramalary kúsh synasady. Matchty «Qazaqstan» telearnasy saǵat 01:00-de tikeleı efırde kórsetedi.
