EÝRO-2016 týrnırinde Túrkııa Horvatııadan utyldy
ASTANA. QazAqparat - Frantsııada Fýtboldan ótip jatqan Eýropa chempıonatynda Túrkııa men Horvatııa quramalary kezdesti.
Match 0:1 esebimen xorvatııalyqtardyń jeńisimen aıaqtaldy.
Birinshi taımda Horvatııa fýtbolshylarynyń belsendiligi basym boldy. Degenmen qaqpaǵa gol tek birinshi kezeńniń 41-mınýtynda endi. Lýka Modrıchtiń alystan shirene tepken dobyna qaqpashy Babajan tosqaýyl bola almady.
Aıta keteıik, fýtboldan Eýropa chempıonaty Frantsııada ótýde. Birinshiliktiń aıasy bıyldan bastap keńeıip, qurlyqtyq dodada 16 qurama emes, 24 komanda oınaıtyn bolady. Fýtbolsúıer qaýym «kári qurlyqtyń» eń myqty quramalarynyń qatysýymen 51 match tamashalaı alady.
Eýropa birinshiligi Frantsııanyń on qalasynda 10 maýsym men 10 shilde kúnderi aralyǵynda ótedi.
Barlyq matchtar «Qazaqstan» men «Qazsport» telearnalarynda tikeleı efırde kórsetiledi.
