EÝRO-2016: Shvetsııa men Irlandııa teń tústi
ASTANA. QazAqparat - Búgin Frantsııada Fýtboldan ótip jatqan Eýropa chempıonatynda Shvetsııa men Irlandııa quramalary kezdesý ótkizdi.
Match barysynda Shvetsııa basymdyq tanytty. Dopty óz ıelikterinen alys ustap, oıyndy baqylaýda ustap otyrdy. Degenmen, ótkir shabýyldar kóre almadyq. Kerisinshe, Irlandııa fýtbolshylary birneshe qaýipti soqqylar jasady. Biraq, birinshi taımda gol soǵylmady. Ekinshi kezeń óte shapshań oıyn órnegi oryn aldy.
Irlandııalyqtar ústi-ústine qarsylastarynyń qaqpasyn torýyldap, gol soǵýdyń amalyn izdedi. 47-mınýtta jankúıerler alǵashqy golǵa kýá boldy. Shabýyldardyń birinde oń qaptaldan pas alǵan Ýeslı Hýlaxan shvedterdiń qaqpashysyn qapyda qaldyryp ketti. Osy goldan keıin Shvetsııa quramasy qarsylastarynan qarymta alý úshin, qarsy qaqpaǵa lap qoıdy. Kezdesýdiń 74-mınýtynda Zlatan Ibragımovıchtiń baǵyttaǵan soqqysyna tosqaýyl qoımaq bolǵan ırlandııalyq qorǵaýshy Kıran Klark óz qaqpasyna dopty engizip aldy. Qorytyndy esep - 1:1.
Aıta keteıik, fýtboldan Eýropa chempıonaty Frantsııada ótýde. Birinshiliktiń aıasy bıyldan bastap keńeıip, qurlyqtyq dodada 16 qurama emes, 24 komanda oınaıtyn bolady. Fýtbolsúıer qaýym «kári qurlyqtyń» eń myqty quramalarynyń qatysýymen 51 match tamashalaı alady.
Eýropa birinshiligi Frantsııanyń on qalasynda 10 maýsym men 10 shilde kúnderi aralyǵynda ótedi.
Barlyq matchtar «Qazaqstan» men «Qazsport» telearnalarynda tikeleı efırde kórsetiledi.
