Eýro-2016: Portýgalııa penaltıden Polsha quramasyn san soqtyryp, jartylaı fınalǵa shyqty - VIDEO
ASTANA. QazAqparat - Búgin fýtboldan 2016 jylǵy Eýropa chempıonatynyń shırek fınalyndaǵy alǵashqy match - Portýgalııa jáne Polsha quramalarynyń kezdesýi ótti.
Oıyn Marseldegi "Velodrom" stadıonynda ótti.
Ekinshi mınýtta polshalyq oıynshy Robert Levandovskı esep ashsa, 33 mınýtta Portýgalııa quramasyndaǵy eń jas oıynshy, 18 jastaǵy Renatý Sanshesh tarazy basyn teńestirdi. Oıynnyń negizgi ýaqytynda esep 1:1 bolyp, kezdesý teń aıaqtaldy.
Ekstra taımda da qos komanda bir-biriniń osal tusyn taba almady.
Penaltı kezeńinde polshalyq ıAkýb Blaşıkovskıdiń dobyn qaqpashy qaıtaryp, Portýgalııa 5:4 esebimen kelesi kezeńge ótti.
