Eýro-2016: Portýgalııa quramasy shırek fınalǵa shyqty
ASTANA. QazAqparat - Sanaýly sátter buryn Eýropa chempıonatynyń 1/8 fınaldyq kezeńinde Portýgalııa jáne Horvatııa quramalary kezdesti.
Oıynnyń negizgi ýaqytynda qos komanda bir-biriniń qaqpasynan sańylaý tappady. Sol sebepti tóreshiler ekstra taım belgileýge májbúr boldy.
Ekstra taımnyń birinshi kezeńinde de esep ashylmady. Alaıda ekstra taımnyń aıaqtalýyna 3 mınýt qalǵanda Krıshtıaný Ronaldýdyń tepken doby qaqpashynyń qolynan qaıtyp, serpilgen dopty Rıkardý Kýarejma baspen qarsylastyń qaqpasyna súńgite saldy.
Aıta keteıik, Portýgalııa quramasy Eýropa chempıonatynyń bul satysyna 1996 jyldan keıin jete almaǵan.
Shırek fınalda olar Polshamen oınaıdy.
