Eýro-2016-nyń fınaldyq matchy bastaldy

Frantsııa quramasynyń oıynshylary alańǵa kók formada, portýgaldar qyzyl tústegi formada shyqty.

Frantsııa óz alańyndaǵy sońǵy eki týrnırde jeńiske jetken jáne osy kezdesýde utýy múmkindigi joǵary komanda sanalady. Portýgalııa buǵan deıin úlken jeńiske jetpegen edi, alaıda osy jolǵy Eýroda kez kelgen qarsylasqa tótep bere alatyndyǵyn kórsetti.

Toptyq kezeńde portýgaldar barlyq kezdesýdi teń aıaqtap óz tobynda úshinshi orynǵa turaqtady. Pleı-offta eki oıynda negizgi ýaqytta jeńiske jete almady. Alǵashqy tolyqqandy jeńisti olar jartylaı fınalda jolyqqan Ýelspen kezdesýde aldy.

Frantsýzdar alǵashqy oıyndarynda eki jeńis pen bir teń túsýmen bastady, bul olarǵa topta birinshi orynda bolyp pleı-offqa shyǵýyna múmkindik berdi. Ary qaraı Dıde Deshama izbasarlary Irlandııa, Islandııa men Germanııa quramalaryn utty.

Týrnırdiń úzdik shabýylshylary - Krıshtıaný Ronaldý men Antýan Grızmann - bir aı buryn Chempıondar lıgasynda bir-birine qarsy oınaǵan.

Osy týrnırde Portýgalııa quramasynyń shabýylshysy Eýropa chempıonattaryndaǵy úzdik shabýylshylar tizimindegi  ataqty frantsýz Mıshel Platınıdi qýyp jetti, ol 2004 jyly tórtten artyq gol soǵyp úzdik shabýylshy atanǵan bolatyn.

Bir aıta keterligi, matchqa Anglııadan kelgen Mark Klattenbýrg bastaǵan tóreshiler toby qazylyq etedi. Ol buǵan deıin ÝEFA chempıondar lıgasy fınalynda «Real» men «Atletıko» matchyna tóreshilik jasaǵan.

Frantsııa alǵash ret 2000 jyly Eýropa birinshiliginiń fınalyna shyqqan, Portýgalııa - alǵash 2004 jyldan bastap aqtyq syndarǵa ilikti. Frantsýzdar úshin bul úshinshi fınaldyq oıyn, portýgaldyqtar úshin - ekinshisi.

Bul oıynǵa deıin Portýgalııa men Frantsııa quramalary 24 ret kezdesken. 5 matchta Portýgalııa quramasy jeńiske jetse, Frantsııa 18 kezdesýde utqan. 1 kezdesý teń aıaqtalǵan.

Sonymen birge, portýgaldar sońǵy 30 jylda birde bir ret frantsýzdardy utpaǵan eken. Olar sońǵy ret frantsýzdardy 1975 jyly jeńgen.