EÝRO-2016: Italııa Belgııany san soqtyryp, Eýropa chempıonatyn jeńispen bastady
ASTANA. QazAqparat - Frantsııada Fýtboldan ótip jatqan Eýropa chempıonatynda Italııa quramasy Belgııany 2:0 esebimen oısyratyp ketti.
Match aldynda ıtalııalyq komanda aýtsaıder sanalǵan bolatyn. Alaıda, jas fýtbolshylardan quralǵan Italııa ózderin úzdik qyrynan kórsete aldy.
Birinshi taımda bapker Konte bastaǵan rımdikter oıyndy shıraq bastady jáne sol belsendilikteri arqyly 32-mınýtta Imanýelle Djakorınıdiń goly arqasynda esepte alǵa shyqty. Belgııa fýtbolshylary oıyndy óz baqylaýyna alyp, esepti teńestirýge bar kúshterin saldy, alaıda olardyń úzdiksiz shabýyldaryna ıtalııalyq qorǵaýshylar tosqaýyl qoıa bildi. Tipti, ara-tura qarymta shabýyldardy uıymdastyryp otyrdy.
Oıynnyń 93-mınýtynda Italııa quramasy esepti 2:0 deıin jetkizdi. Gol avtory - Pelle. Osylaısha, E tobynda úsh upaımen kósh bastady.
Aıta keteıik, fýtboldan Eýropa chempıonaty Frantsııada ótýde. Birinshiliktiń aıasy bıyldan bastap keńeıip, qurlyqtyq dodada 16 qurama emes, 24 komanda oınaıtyn bolady. Fýtbolsúıer qaýym «kári qurlyqtyń» eń myqty quramalarynyń qatysýymen 51 match tamashalaı alady.
Eýropa birinshiligi Frantsııanyń on qalasynda 10 maýsym men 10 shilde kúnderi aralyǵynda ótedi.
Barlyq matchtar «Qazaqstan» men «Qazsport» telearnalarynda tikeleı efırde kórsetiledi.
