Eýro-2016: Islandııa qorǵaýshysy óz qaqpasyna gol salyp, Vengrııaǵa bir upaı «syılady» - VIDEO
ASTANA. QazAqparat - Eýro-2016 dodasy toptyq kezeńiniń ekinshi týryndaǵy matchta Islandııa men Vengrııa quramalary teń oınady.
Kezdesý 18 maýsym kúni Marselde, "Velodrom" stadıonynda ótti.
Esep oıynnyń 38-inshi mınýtynda ashyldy. Buryshtama doby oıynǵa qosylǵannan keıin reseılik orbıtr Sergeı Karasev oıyn erejesi buzylǵanyn baıqap qalyp, 11 metrlik aıyp dobyn belgilegen edi. Islandyqtardyń kapıtany Gılfı Sıgýrdsson bul múmkindikti múlt jibermeı, ala dopty qaqpada týlatty. Esep birinshi taımnyń sońyna deıin ózgergen joq.
Ekinshi kezeńniń sońyna deıin Vengrııa quramasy ese qaıtara almaı, ábigerge tústi. Alaıda, oıynnyń 87 mınýtynda vengrııalyq oıynshy Nemanı Nıkolıcha tepken dopty ıslandııalyq qorǵaýshy Bırkır Sevarsson óz qaqpasyna toǵytyp, tarazy basyn teńestirip berdi.
Osylaısha F tobynda 4 upaımen Vengrııa quramasy top bastap tur. Islandyqtar da 4 upaı enshilegen, biraq olar úshinshi orynda tur.
Osyǵan deıin Belgııa quramasy Irlandııa quramasyn oısyrata jeńgenin habarlaǵan bolatynbyz.
Aıta keteıik, oıyn kúniniń sońǵy kezdesýi - «Portýgalııa-Avstrııa» matchy Astana ýaqytymen 01:00-de bastalady. Ony «Qazaqstan» telearnasy tikeleı efırde kórsetedi.
