EÝRO-2016 irikteý synynda Qazaqstan Chehııaǵa jol berdi
ASTANA. QazAqparat - 2016 jyly ótetin Eýropa chempıonatyna irikteý synynda Qazaqstan men Chehııanyń joly túıisip, qos eldiń quramasy elorda tórinde baq synasty.
Kezdesýdiń alǵashqy kezeńinde jerlesterimiz jaýapsyz 2 gol jiberip aldy. Oıynnyń 14-mınýtynda aıyp alańynyń syrtynan dopty shirene tepken chehııalyq Borjek Dochkal esep ashty. Taım sońyna deıin bul esepti Davıd Lafat eseledi - 2:0.
Ekinshi kezeńde ıÝrıı Krasnojannyń shákirtteri shabýyldy údete tústi, biraq nátıje bolmady. Olardyń qateligin paıdalanǵan qarsylas komandanyń oıynshysy 57 mınýtta jaýapsyz 3-goldy saldy. Bul joly Kreıchı Sıdelnıkovtyń qaqpasynan sańylaý tapty.
Qazaqstandyqtardyń enshisine tek 83 mınýtta bir gol jazylyp, esepti qysqartty. Biraq qonaqtar araǵa 5 mınýt salyp, oıynnyń 88-mınýtynda 3 gol artyqshylyqtaryn qaıta qalpyna keltirdi. Oıyn sońynda ulttyq quramamyz chehııalyqtardyń qaqpasyna taǵy bir gol darytyp, esepti 2:4-ke jetkizdi, biraq bul jeńisti alyp berý úshin jetkiliksiz kórsetkish edi. Endi Qazaqstan quramasy 16 qazanda Túrkııa quramasyna qarsy oıyn ótkizedi.
