EÝRO-2016: Germanııa Polsha komandasyn jeńe almady
ASTANA. QazAqparat - Eýro-2016 jarysynda favorıtterdiń biri Germanııa komandasy Polsha quramasymen teń tústi. Frantsııanyń Sen-Denı qalasynda ótken match 0:0 esebimen aıaqtaldy.
Oıyndaǵy basymdyq negizinen Germanııa fýtbolshylarynda boldy. Dopty baqylaýda ustap, shabýyldy jıi uıymdastyrýǵa tyrysqanymen, nemister polshalyq qorǵaýshylardan óte almady. Polsha quramasy da óz kezeginde Robert Levandovskııdiń shabýylyna ıek artyp, qaýipti shabýyldarmen kózge tústi.
Osy oıynnan keıin «S» tobyndaǵy Germanııa men Polshada 4 upaıdan bar. Soltústik Irlandııada - 3, Ýkraınada - 0 upaı. Endi Ýkraına quramasynda pleı-off kezeńine shyǵatyn múmkindik joq.
