EÝRO-2016: Germanııa qurlyqtyq birinshilikti jeńispen bastady
ASTANA. QazAqparat - Frantsııada Fýtboldan ótip jatqan Eýropa chempıonatynda Germanııa quramasy Ýkraınany tize búktirdi.
Match 2:0 esebimen nemisterdiń jeńisimen aıaqtaldy.
Oıyndaǵy alǵashqy goldy 19-mınýtta Shkodran Mustafı salǵan bolatyn. Bul esep negizgi oıyndaǵy ýaqyt aıaqtalǵanǵa deıin saqtaldy. Tek tóreshi qosqan qosymsha ýaqytta (93-mınýt) alańda Gettseni almastyrǵan Bastıan Shvaınshtaıger ýkraındyqtarǵa ekinshi goldy saldy.
Aıta keteıik, fýtboldan Eýropa chempıonaty Frantsııada ótýde. Birinshiliktiń aıasy bıyldan bastap keńeıip, qurlyqtyq dodada 16 qurama emes, 24 komanda oınaıtyn bolady. Fýtbolsúıer qaýym «kári qurlyqtyń» eń myqty quramalarynyń qatysýymen 51 match tamashalaı alady.
Eýropa birinshiligi Frantsııanyń on qalasynda 10 maýsym men 10 shilde kúnderi aralyǵynda ótedi.
Barlyq matchtar «Qazaqstan» men «Qazsport» telearnalarynda tikeleı efırde kórsetiledi.
