EÝRO-2016: Garet Beıl bastaǵan Ýels qurlyqtyq dodany jeńispen bastady
ASTANA. QazAqparat - Frantsııada Fýtboldan ótip jatqan Eýropa chempıonatynda Ýels quramasy Slovakııany jeńip ketti.
Qurlyqtyq birinshilikke alǵash matchtaryn ótkizgen quramalar tartysty kezdesýde 2:1 esebimen tarqasty.
Oıynda alǵashqy goldy kezdesýdiń 10-mınýtynda ýelstik fýtbolshy Garet Beıl saldy. Degenmen ekinshi taımda slovakııalyq Andreı Dýda esepti teńestire aldy. Al oıynnyń 81-mınýtynda Robson-Kaný Ýels quramasyna jeńis golyn syılady.
Aıta keteıik, fýtboldan Eýropa chempıonaty Frantsııada ótýde. Birinshiliktiń aıasy bıyldan bastap keńeıip, qurlyqtyq dodada 16 qurama emes, 24 komanda oınaıtyn bolady. Fýtbolsúıer qaýym «kári qurlyqtyń» eń myqty quramalarynyń qatysýymen 51 match tamashalaı alady.
Eýropa birinshiligi Frantsııanyń on qalasynda 10 maýsym men 10 shilde kúnderi aralyǵynda ótedi.
Barlyq matchtar «Qazaqstan» men "Qazsport" telearnalarynda tikeleı efırde kórsetiledi.
