«Eýro-2016» dodasynan Frantsııaǵa 1,2 mlrd eýro paıda túsken
ASTANA. QazAqparat - 2016 jylǵy Eýropa chempıonatynan Frantsııa 1,2 mıllıard eýrodan artyq paıda kórdi, - dep jazady ÝEFA-nyń resmı saıty.
Lımoj ýnıversıtetiniń Sport quqyǵy jáne ekonomıkasy ortalyǵy men KENEO agenttigi birlese júrgizgen zertteýler barysynda Eýropa chempıonaty kezinde Frantsııa ekonomıkasyna 1,22 mıllard eýro quıylǵan.
«Eýro-2016» fınaldyq dodasyna alǵash ret 24 qurama qatysyp, Eýropa chempıonaty kezinde Frantsııa qalalarynda árbir quramanyń oıynshylary, bapkerleri, ár túrli saladaǵy qyzmet kórsetýshileri, ár eldiń resmı tulǵalary, sondaı-aq 613 myń kórermen meıman bolǵan bolatyn.
Sheteldik qonaqtar orta eseppen Frantsııada 7,9 kún bolyp, kúninen 154 eýro shyǵyndaǵan. Jalpy, Eýropa chempıonatyna kelgen meımandar osy elge barlyǵyn qosqanda 625,8 mıllıon eýro aqshalaı qaldyrǵan.
Eýropa chempıonatyna daıyndalǵan kezde Frantsııa ekonomıkasynan 200 mıllıon eýro jumsalǵan eken. Endi, mine bul qarajat artyǵymen qaıtyp otyr. "EURO-2016 SAS" prezıdenti Jak Lamber kiris shyǵystan asyp túsken.
«Dúbirli dodalardy ótkizgende óte qomaqty aqsha salý kerek bolýy tıis. Biraq túbinde uıymdastyrýshy memleketke tikeleı de, janama da tabystar túsedi. Bul mundaı iri sharalardan paıda túsetindigin, ári tıimdi ekendigin kórsetedi», - depti Lamber myrza.
Derekkóz: Astana fýtbol federatsııasy
