EURO-2016: Chempıonattyń irikteý jerebesi qaıda ótetini belgili boldy
ASTANA. 28 qyrkúıek. QazAqparat - Euro-2016 týrnıriniń irikteý jerebesi 2014 jyldyń 9 qyrkúıeginde Nıtstsa qalasynda ótedi.
«Alaman» sport agenttiginiń aqparattaryna qaraǵanda, bul týraly chempıonattyń uıymdastyrý komıtetiniń basshysy Jak Lamber málim etken.
«Nıtstsa qalasy jerebe tartý rásimin ótkizýge qolaıly. Munda qonaq úı, transport jetkilikti», - dedi Lamber.
Al Euro-2016 dodasynyń fınaldyq jerebesi 2015 jyly Parıj tórinde ótedi. Chempıonattyń ashylýy maýsymnyń onyna, al sheshýshi oıyny 2016 jyldyń 10 shildesine josparlanǵan. Fınal «Stan de Frans» stadıonynda ótýi múmkin.
