EURO-2016: Búgin Qazaqstan quramasy Túrkııamen kezdesedi
ASTANA. QazAqparat - Fýtboldan Qazaqstan ulttyq quramasy búgin Ystambulda Túrkııa quramasymen kezdesip, 2016 jylǵy Eýropa chempıonatynyń irikteý dodasy aıasyndaǵy tórtinshi oıynyn ótkizedi, dep habarlady www.24.kz.
Bir qyzyǵy, Túrkııa quramasynyń bas bapkeri Fatıh Terım kópshilikti qaıran qaldyryp, negizgi quramda alańǵa shyǵatyn 11 fýtbolshysynyń esimin keshe jarııalap qoıdy. Olar: Volkan Demırel («Fenerbahche»), Gekhan Genıýl («Fenerbahche»), Serdar Azız («Býrsaspor»), Semıh Kaııa («Galatasaraı»), Djaner Erkın («Fenerbahche»), Selchýk Inan («Galatasaraı»), Ozan Týfan («Býrsaspor»), Volkan Shen («Býrsapor»), Arda Týran («Atletıko», Ispanııa), Oldjaı Adyn («Beshıktash»), Býrak Iylmaz («Galatasaraı»).
«Bizde jaraqattanyp qalǵan eshkim joq, fýtbolshylardyń bári daıyn. Joldastyq kezdesýde Brazılııa quramasynan 0:4 esebimen utylǵan soń, barlyq ókinishten aryldyq. Keshegi jatyǵý kezinde maǵan oıynshylardyń ázirlikteri unady. Bizge úsh upaı aýadaı qajet. Chehııa, Islandııa jáne Latvııa quramalarymen ótkizgen oıyndarymyz kóńilge qonbaıdy. Men Túrkııa quramsynyń kópten kútken jeńiske qol jetkizetindigine senimdimin», - depti Fatıh Terım.
Óz kezeginde Qazaqstan ulttyq quramasynyń bas bapkeri ıÝrıı Krasnojan da qaramaǵyndaǵy fýtbolshylardy jeńilmeımiz dep, jigerlendirip otyrǵan syńaıly. «Biz de Túrkııa quramasy sııaqty 3 oıynnan bir upaı enshiledik. Ekeýara kezdesýde eki quramanyń biri upaı enshileri anyq. Árıne, Túrkııa quramasy favorıt bolyp sanalady. Biraq biz aldyn-ala jeńiliske moıynsunyp otyrǵan joqpyz, bizde jeńiske jetýge tyrysamyz», - dep otyr.
Esterińizge sala keteıik, Túrkııa jáne Qazaqstan ulttyq quramalary arasyndaǵy resmı match búgin túnde, Astana ýaqytymen 01:45-te Ystambuldaǵy «Alı Samı En» stadıonynda ótedi.
