EÝRO-2016: Bernd Shtork jattyqtyratyn Vengrııa alǵashqy machta Avstrııany tize búktirdi
ASTANA. QazAqparat - Fýtboldan Eýropa chempıonatynyń alǵashqy matchynda Vengrııa quramasy Avstrııa komandasyn 2:0 esebimen jeńdi.
Birinshi taım eki komandanyń birin-biri baǵamdaǵan óte sabyrly taım boldy. Negizinen, Avstrııa quramasy qaýipti shabýyldar jasap otyrdy, degenmen goldar tirkelgen joq.
Ekinshi taımda Avstrııa qarsylastardyń qaqpasyna shabýyl jasaýdy jalǵastyrdy. Biraq kezdesýdiń 63-mınýtynda vengr fýtbolshysy Adam Salaı Avstrııa quramasyna gol salyp, aıdy aspanǵa shyǵardy. Úsh mınýttan soń Avstrııa quramasy sapyndaǵy Aleksandr Dragovıch qarsylastardyń aıyp alańynda tártip buzyp, alańnan qýylady.
Soǵan qaramastan, Avstrııa fýtbolshylary esepti teńestirýge talpynady, alaıda qarsy shabýyldardyń birinde Vengrııa quramasy ekinshi avstrııalyqtardyń qaqpasyna ekinshi goldy engizip ketedi. 87-mınýtta salynǵan gol avtory - Zoltan Shtıber.
Este bolsa, Vengrııanyń bas bapkeri Bernd Shtork 2009-2010 jyldary Qazaqstan quramasyn jattyqtyrǵan bolatyn. Onyń bapkerligimen Qazaqstan quramasy álem chempıonatynyń toptyq kezeńinen shyǵa almady.
Aıta keteıik, Frantsııada fýtboldan Eýropa chempıonaty ótip jatyr.
Birinshiliktiń aıasy bıyldan bastap, keńeıip, qurlyqtyq dodada alǵash ret 24 komanda oınaıtyn bolady. Fýtbolsúıer qaýym «kári qurlyqtyń» eń myqty quramalarynyń qatysýymen 51 match tamashalaı alady.
Eýropa birinshiligi Frantsııanyń on qalasynda 10 maýsym men 10 shilde kúnderi aralyǵynda ótedi.
Barlyq matchtar «Qazaqstan» men «Qazsport» telearnalarynda tikeleı efırde kórsetiledi.
